De Prinzip vun dëssem Projet (www.klengschrett.lu) vun der Ëmweltberodung Lëtzebuerg a.s.b.l. ass folgenden:
All zwee Méint gëtt een anert Theema an de Fokus gesat. Dir kritt am viraus Informatiounsmaterial zougeschéckt, wat Dir a ärer Gemeng, Entreprise oder Organisatioun jee no Besoin fräi notze kënnt. Dëst besteet aus:
- 1 Infografik fir an de Gemengebuet oder iwwert aner Informatiounskanäl ze notzen.
- Challengen déi all Freide publizéiert ginn a fir e bestëmmte « klenge Schrëtt » opruffen.
- Posts fir iwwert déi sozial Medien, E-mail, als Sticker etc. ze verdeelen.
Dir wëllt matmaachen?
Einfach eng Email un info@ebl.lu maache fir sech an d’Verdeelerlëscht anzeschreiwen.