4 Felder am Kräiz ; 1 a 4 sëlwer a blo horizontal gesträift a mat roudem Léif ouni Kroun, dee bei 1 no baussen, bei 4 no banne kuckt; 2 an 3 sëlwer a rout horizontal gesträift. Mat breedem schwaarze Kräiz, uewen an ënnen a riets a lenks bis un de Rand; um Schnëttponkt dovun e klengt gëllent Kräiz mat Kléiblatspëtzen un den Extremer; am klenge Kräiz 5 Rubinen, um Schnettponkt an den Extremer.

Historesch Erklärungen

D'Gemeng Wa(h)l huet fir de gréissten Deel den Herrschaften Esch an Useldeng gehéiert, ower Heeschpelt a Kéiber der Vogtei (prévoté) Arel. D'Felder 1 a 4, de Wope vu Letzebuerg, mä ouni Kroun erënnert un d'Vogtei vun Arel; d'Felder 2 an 3 sinn d'Wope vun der Famill Esch-Useldeng.

Dat schwaarzt Kräiz weist op den Däitsch-Uerden, dem Randschelt gehéiert huet, an deem seng Kierch dem Hellege Willibrord geweit war, wourun dat klengt Kräiz mat de Kléiblatspëtzen erënnert, dat an sengem Ornament op e Reliquieschrein hiweist.